Gara Göz

Nobat Sovbetov

İnçe barmak elleri
Dokar haly gölleri
Dünýäniń ter gülleri
Ýakańdadyr gara göz

Saçak, nanyndan belli
Çar künjekde gara goz
Otuz asyr geçiren
Milli geýmińden belli
Türkmen gyzy gara göz
Gapba, gapba gara göz

Öz diken taýhasynda
Edep – ekram paýhasynda
Gaşly saçýüz – örümde
Öwşün atar gara goz

Türkmen nagşynyń ömri
Üç müń ýyldan has ańry
Piterde dur oń biri
Ermitajda gara goz

Wasp hoşasy galmandyr
Sańa bäsdeş bolmandyr
Ýel maýanyń ýolunda
Taýsyz ýyldyz älemde

Watanymda toý günde
Toý lybasyń geýgindä
Gyzyl öwsüp, sap gaşlar
Görkün goşsun gara göz

Baý mirasa eýe sen
Zerleriń dik toýa sen
Geljege bol uýa sen
Ýaşlar içre gara göz

Don ýaka, aýlaw zerli
Parça güller jaý ýerli
Gün şöhle eýmenerli
Beslenende gara göz

Şaý – sepiń baryn dikgyn
Dagdan, sümseläń dakgyn
Olar saza ses goşsun
Tans edende gara göz

Syrgań dakyp, geý lybas
Bilezik geý, monjuk as
Gupba bukaw galmasyn
Tumaram dak gara göz

Ýüzükleriń baryn geý
Alyn şaýyń sońa goý
Wah Gursakçań ýerleşmez
Göwüsińde gara göz

Ýeńselik dursun sońa
Ýer ýokdur gülýakańa
Eginligiń dak ýöne
Bezen bu gün gara göz

Asyk, apbaslar dikgin
Ýeńaralaryn dakgyn
Bezeglerden saz çyksyn
Tans edeńde gara goz

Nazleri göwne ýakar
Janomde nagyş diker
Nazar asykdan bakar
Türkmen gyzy gara göz

Ýölda, yzda Lap Toply
Hard disk nagyşdan doly
Saýlap diker Embörtde
Gerek gülün gara göz

Näzli yörüşi bardyr
Sada duruşy bardyr
Işiń görüşi bardyr
Lak ataýsań Garagöz

Nobat aýdar söz sapdyr
Hyýalda saz ýol köpdür
Bagşa hoş owaz tapdyr
Öz waspyńa gara göz.

Saçak, nanyndan belli
Türkmen gyzy gara göz
Otuz asyr geçiren
Milli geýmińden belli
Çar künjekde gara goz