“Tebigatyń öz kanuny bar eken
Köp jemagat ony bilmän ýör eken
Öńden ańan Ata – enä dözmezek
Depe – täçden ońa orun ber eken”

 

Ekläp – saklap ýetişdirdi
Kyn döwürde atam – enem
Erbetlikden çetleşdirdi
Ynjytmany Atam – Enem

Tyg üzen aram daş etmän,
Aglanym galman eşitmän,
Bagryna basyp üşetmän,
“Balam” – diyyen Atam – Enem

Gazuw gazyp, çiller çekip,
Künde bilen ekin ekip,
Agşam şamlyk börek büküp
Naharlapdy Atam – Enem

Asgyrsak: “Nämboldy” – diyip,
“Ten gyzgyny galdy” – diyip,
Özi iymän bize goyup,
Ekläpdiler Atam – Enem.

Her gün irden çaý bererdi,
Başym sypap iýdirerdi
Täze eşik geýdirerdi
Gülüp bakyp Atam – Enem

Agyr zähmet çekipdiler
Ajy derler döküpdiler
Ýedimizem bakypdylar
Gije – gündüz Atam – Enem

Yzlap – myzlap, şalyk etdik,
At tutar yaşyna ýetdik,
Aşyk atdyk – balyk tutduk
Guwandyryp Atam – Enem

Ýaşlyk el guş uçdy gitdi
Taryh bolup geçdi gitdi
Durmuş ýolun açdy gitdi
Görsün diýýip Atam – Enem

Şeýde –şeýde ýigit ýetdik,
Bir gun durmuş toýun tutduk,
Gujagyna agtyk atdyk,
Guwandyryp Atam – Enem

Söbet aga Sargyz ýeńńe
Diýerdiler Size hemme
Garrylyga ýetip synma
Belki ýazgyt Atam – enem

Ir turup baryp görmäne,
Egilip salam bermäne
Gulluga bir gün durmana
Ýokdur indi Atam – Enem

Atlananda ataraýyn,
Gel arkamda götereýin,
Elińiz bala batyraýyn,
Diýsem dönmez Atam – Enem

Yzlasam uluslar söküp,
Sorasam gapylar kakyp,
Aglasam dyzyma çöküp
Tapman indi Atam – Enem

Kime berýäń uzak ömür,
Kime gurýań duzak ömür
Kime joşýań üzük ömür
Tańrym aldy Atam – Enem

Dünýä sen bir doýmaz däli,
Guradýań miweli bagy,
Kazalap bagt ýeten çagy
Goýduń ýetim ata – ena

Ýatan ýerińiz ýagty bolgaý
Ruhlaryńyz rahat bolgaý
Imanyńyzda hemrańyz
Jaýyńyz behiştde bolgaý

Ukuly dek ańman galdym,
Gaýgy- gama batyp boldym,
Keşblerini ýatlap ońdum,
Asla dönmez Atam – Enem

Nobat aýdar karar tapmaz,
Müń bir gaýga bir iş bitmez,
Aýatdan başga zat ýetmez,
Indi Size Atam – Enem