Köfüklide şehit bolanlara bagyşlanýar

Nobat Sovbetov

Bagşyl oba düşläpdir iki ýüz atly
Köfükliden gün çykarda Adamlar.
Göwün hoşlap, şire – nahardan esli
Merde dönen ile belli baýtallar.

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

“Ors alan ýurdunda galan ors bolar,
Malynyda olar elinden alar,
Atam aýytdy – “Bary bir orsa galar”,
Bar, talań”– diýen, han ogly Adamalar.

Inipdir Köfüklä gülle ýagdyryp,
Abadan obada ganlar çogduryp,
Mal bermäge bilmän boýun egdirip,
Duşmanam öz laşin seren Adamlar.

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Şol gün iliń betbagt güni doglan,
Tutuş oba gara tüssä bogulan,
Atyz – çilde dökülen gan ýygalan
Iki ýüz nil ot açansoń Adamlar

Ýagy dörän Türkmeniń öz içinden
Baýamakçy ilin talap göçünden
Naçarlary süýrelende şaçyndan
Ar – namysa şehit bolan Adamlar.

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Gülle şuwlap geçen sagy- solundan,
Kime degen aýakdan, kime bilinden,
Ilin gorap, ýarag düşmän elinden
Şehit bolan Tagan kaka Adamlar.

Ýagyń agdyklygyn durubam görüp,
Ýaragsyz ýabaly, jöwherin syryp,
Çykypdyrlar güllä döşlerin gerip,
Ilin gorap, şehit bolan Adamlar.

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Ah çekipdir, Ata, Yusup märemler,
Ýaraga deń gelmän elde ýabalar,
Ýer dölede gizlenipdir çagalar,
Oglan – uşak, garry- gurry Adamlar.

Uçgun ýagyp, kesilmedik atmalar,
Ak oýler otlanan, galman çatmalar,
Gan dökülip – köpelen ýas tutmalar
On bäş öýli Köfüklide Adamlar.

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Örüm saçlar saç ýüz bilen kesilen,
Sypyrlan, bilezikler – sap ýasalan
Yolunan şaý – sepler boýna asylan
Horlanypdyr, gyz – gelinler, Adamlar

Örkùç otly düýe çöken agyllar
Çöp ýatakda diri ýanan köp mallar
Zarynlap göz ýaşly – janawer lallar
Çirkin, nalyş sesler eden Adamlar

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Müń dokguz ýüz ýigrimbäşiń güýzünde
Ýagy alan däne, harman çäjinde,
Süren galan malyn, ördek- gazynda,
Gyşlapdyrlar aç- ýalańaç Adamlar.

Ýaragsyz ilaty oka tutana,
Malyn bermedigi şol dem atana,
Göze ilen naçara el gatana,
Garşy çykyp, şehit bolan Adamlar

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Ar-namys, öý üçin başyń goýmaklyk
Watan – iliń, jandan belent saýmaklyk
Belki ýazgyt – ilden aýat almaklyk
Şehitlere nesip, bolgaý Adamlar.

.Obadaky öýler oda çawlanan
Tagan kaka aty bilen jaýlanan
Ýedi ýetim gözi ýaşly aýlanan
Düşmany dost saýmak hata Adamlar

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Ýatyr şehit gerçeklermiz düzülip,
Kimde bellik bar- dur ady ýazylyp,
Kimsinde ýazgylar giden bozulyp,
Şehitlere hormat goýuń Adamlar

Tagan kaka bilen goýlan ýarag – at
Bu Oguz adaty – Iń Beýik hormat
Beýançy – gören göz, öz ogly Söbet
Şehitlere aýat buýrgaý Adamlar

Obadaky öýler oda çawlanan
Tagan şehit at- ýaragly jaýlanan
Ýedi ýetim , Akyl eje daglanan
Zaryn aglap, gözler ýaşly Ildeşler

Bu däldir erteki – ýa-da rowaýat
Türkmeniń içinden dörän bir apat
Şehitleriń ruhlary bolgaý rahat
Gel diläliń Allajandan Adamlar